1aim2008

اجتمعنا لكى نكون أسرة واحدة
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 بكار فى طب عين شمس

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
amany elshemy
مشرف
مشرف


عدد الرسائل : 56
العمر : 32
تاريخ التسجيل : 01/05/2007

مُساهمةموضوع: رد: بكار فى طب عين شمس   8/21/2007, 12:28 pm

بجد جميله جدا D: D: D:
ربنا يوفقك
بس استمر الموضوع شيق 16 16 16
امتعنا بتأليفك
للللللللل للللللللل للللللللل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/21/2007, 11:51 pm

هوى اصحابى
الحمد لله اخيرا وصلنا بلدنا بعد معاناه طويله ورحله شاقه جدا
اول ما خرجنا من المحطه شوفنا عربيات مش عارف دى عجلة ولا موتوسيكل ولا ايه
حسونه قال دا التكتك يا بكار وهيوصلنا جوه القريه ويروحنا بسرعه تعالو نركبه ونروح
وافقنا على فكرة حسونه بس طبعا اتقسمنا كل اتنين فى تكتك لانه صغير ميشلش اكتر من كده
وطبعا رشيده كانت معايا وكمان حسونه
الغريب ان السواق كان واضح ان سنه صغير ميزدش عن 15 سنه
وكان بيسوق بسرعه رغم ان الطريق مليان مطبات
ياكابتن ممكن تسوق بالراحه شويه.... انت داخل سبق
فى ايه بس الحق عليا انى هوصلكوا بسرعه قبل زمايلكو عشان تبقوا تغيظوهم
وشويه والسواق هدى السرعه بس مش بسبب كلامنا هو هدى عشان يعاكس البنت اللى ماشيه على جنب الطريق
احب الشيكولاته...حلاوتك يا شيكابالا...بس لو مكانتش البطاطا اتحرقت
انت يا محترم ممكن تبص قدامك وتحترم اللى معاك شويه
انت شكلك مش هتريح معايا ..انزل يا امور شوفلك تاكس
طبعا هننزل بس يكون فى علمك احنا مش هنسكت وهنشتكيك لادارة المرور وهيسحبوا منك الترخيص
هههههههه ...طب انزل بقه وشوفلك اى فيل يوصلك
يلا يا حسونه
ونزلنا من التكتك واول حاجه عملتها انى بصيت على النمر عشان ابلغ عنه
لكن ياخبر دا مفيش نمر
طبعا ياعم بكار ما انت لو بتقرا جرايد او بتتفرج على البيت بيتك كنت هتعرف ان التكتك لا له ترخيص ولا نمر
يعنى ايه يعنى ممكن يعمل اى جريمه ومحدش يقدر يعاقبه
انا عارف انا ليه ركبت معاك انت يا بكار مالها زينه ولا همام زمانهم وصلوا
احنا عندنا مبادئ ياحسونه مش ممكن نسكت على الغلط ابدا افرض البنت دى كانت اختك
ال مبادئ ال طب خلى المبادئ توصلنا بقه
وقتها جه ولد سايق عجلته وقالنا الحقوا الاتنين اللى كانوا معاكوا
طلعوهم من الترعه القديمه اللى على اول البلد
جرينا بسرعه نشوف فيه ايه والحمد لله ان ربنا نجاهم من الحادثه
لكن زينا كانت زعلانه وبتبكى بحرقه
مالك يازينه
اص...اص...اص
خير فيكى حاجه..حاسه بالم
لا
طب حاجتك جرى لها حاجه
لا الحاجه موقعتش اصلا الحمد لله
امال مالك فيه ايه
اص...اص..اص
تانى اتكلمى وقعتى قلبى
الفانوس اللى اشتريته من مصر اتكسر منى
معقول يا زينه كل ده عشان الفانوس
الحمد لله ان قرعتى وقعت مع بكار ...اه.. قضا اخف من قضا....على الاقل فانوسى سليم مش زى زينه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/23/2007, 2:03 am

هوى اصحابى
اخباركم ايه ياترى مستمتعين بالاجازة انا عن نفسى
قررت متكلمش فى اللى حصل الايام اللى سبقت الاجازة القصيرة اللى سمحت لنفسى بيها
يا سلام لو الاجازة دى تطول....عايز اعوض الايام اللى فاتت
و النهارده كنت قاعد فى المكان المفضل عندى اللى بيوحى لى باجمل لوحاتى
طبعا معايا الريشه والالوان واخيرا هستانف هوايتى المفضله
وقتها جالى حسونه ومعاه (صديق) صاحبنا
السلام عليكم... اهلا يا بكار
والله وحشتنا فينك على العموم كويس انك جيت اليومين دول
انت كمان واحشنى يا صديق انت خلصت الدبلوم
ايوه يا بكار خلصت من شهرين بس مش بس كده انا كمان جاى اسلم عليك واعزمك
مبروك يا صديق اكيد عامل ليلة بمناسبة انك خلصت الدبلوم
لا يا بكار معقول هحتفل بالدبلوم ليه هو يعنى هينفعى بحاجه
امال ايه ..لازم هنادى اختك هتتجوز
يا بكار هنادى خدها الوبا..اصدى اتجوزت من زمان وجابت مهران كمان
امال ايه ...فرحنى
صديق بيعزمك على فرحه يا بكار
عقبالك كده لما تتخرج ..وتتوظف..وتتجند..وتت..وتت
وفى الاخر يمكن تكون تت..جوز تيجى من نصيبك
معقول يا صديق بس انت لسه صغيرعلى الجواز
انا عندى 18 سنه يابكار واصغر منى اتجوزوا
طب دا من يومين خلف بن عمك ناصر اللى عنده 16 سنه اتجوز
ما انت عارف عداتنا يا بكار غيرش انت اللى بدك تتعلم
وياترى مين العروسه
سلمى ما انت عارفها
اه طبعا عارفها ...مبروك يا صديق اكيد هحضر
طب سلام علشان اعزم بقية اصحابى
مشى صديق ..بس حسونه فضل
شوفت يا بكار اهو صديق الاصغر مننا اتجوز مش بس هو كمان كل اصحابنا فى البلد اللى من سننا اتجوزو
وكمان اللى اصغر مننا
عادى يا حسونه كل واحد له نصيبه اللى لازم يرضى بيه ومتنساش كمان انك كمان كام شهر وهتبقى دكتور حسونه
اه ..طبعا...دكتور حسونه
عارف يا بكار انى كنت منظر على سلمى
ايوة بس مكلمتش اهلها ....وصديق سبقك
اكلم مين يا بكار انا اخر مرة نزلت اتمشيت بالبالطو والسماعه السبيرت الماليزى بتاعتى عند بيتها
وكمان كلمتها بصراحه قلتلها استنينى شويه كام سنه كده
عارف قالت لى ايه
قالت لى وانت ان شاء الله هتقدر تتجوز امتى ...كمان هتعيشنى منين دا انت حتى مستخسر تشترى لنفسك السماعه الليتمان
يا سلام وهى عرفت السماعه الليتمان منين
ما انا كمان سالتها ..اتارى همام كان سبقنى
حسونه ممكن اطلب منك طلب ...ممكن تسيبنى اكمل رسم اللوحه بتاعتى
طيب متنساش تعدى على زينه تطمن عليها
ليه مالها
يا عنى اذا كان احنا يا اولاد منظرنا بقى وحش فى البلد
امال هى تعمل ايه...انت عارف سلمى بنت عمتها وزمانها بتغيظها وتغلس عليها
حسونه هو انت قلت لى هننزل مصر امتى.....مصر وحشتنى جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بكار فى طب عين شمس
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
1aim2008 :: إشراقات أدبية-
انتقل الى: