1aim2008

اجتمعنا لكى نكون أسرة واحدة
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 بكار فى طب عين شمس

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: بكار فى طب عين شمس   7/31/2007, 12:11 am

هوى اصحابى النهارده هحكيلكم عن يوم صعب جدا
كان عندى امتحان عملى وكنت مركز جدا مع الحاله
وفجاءة لقيت حد بيطبطب على كتفى
خلصت يا بو كف رقيق وصغير
التفت لقيته
هه مش معقول ايه الحظ ده دكتور مشرط
خلصت يا بكار
قلتله ايوه خلصت
طب تعالالى بقه ياحلو
ومخبيش عليكوا اتوصى بيا على الاخر
ولما خلص الوقت قالى مع السلامه يا بو كف رقيق لسه التقل جاى ورا

لما خرجت لقيت حسونه مستنينى
عملت ايه يا بكار مالك فى حاجه
ابدا يا حسونه متاخدش فبالك العملى خلص خلينا فالامتحان اللى جاى
هنعمل فيه ايه
انا يا بكار هحل كتاب الام سى كيو اه هو انا عندى وجت
طب يا حسونه تفتكر هينفع
فجاءة جه زميلنا محمود شكله متضايج شويه
هوى محمود مالك حليت وحش فى الامتحان
لا يا بكار بس عرفت اخبار عن الامتحان اللى جاى
انا وحسونه فى صوت واحد .. ايه ..اتكلم
عارف يا بكار مين هيحط الامتحان دكتور.........
لا متكملش اوعى يكون......
وقتها وصل دكتور مشرط اللى كان بيضحك هههههه
ههههه معادنا يوم اعمال السنه يابو كف رقيق وصغير ههههه
4545
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نيرمين
حراس الفضيلة
حراس الفضيلة


عدد الرسائل : 390
رقم الدفعة : خامسة
أذكار : لا الله الا انت سبحانك اني كنت من الظالمين
تاريخ التسجيل : 27/04/2007

مُساهمةموضوع: رد: بكار فى طب عين شمس   7/31/2007, 12:23 pm

1212

_________________
{يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://islamnna.netfast.org/vb/
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   7/31/2007, 6:19 pm

هوى اصحابى
النهارده وانا واقف مع حسونه ورشيده وصل خالى سيدون
خال سيدون ايه المفاجاءة الحلوة دى
ازيك يا بكار عامكل ايه يابنى
بخير يا خال بس ياترى ايه سبب الزيارة
انا يا بكار جاى هنا مندوب من اهل القريه عشان اجدم شكوى بخصوص المياة
ليه امال فين المسئولين فى البلد
محدش بيعمل حاجه ادينى جيت وتوكالنا على الله يمكن الناس هنا تهتم
انما مالك شكلك كده مش عاجبنى ياولدى
ابدا شوية متاعب فى المذاكرة
اه شوف يابكار ربنا هو اللى هينجيك ان شاء الله
وكمان امك بتدعيلك على طول
ياولدى طالما بتتوكل على الله وبتدعيه يوفجك وطالما امك راضيه عليك
اوعى تخاف من حاجه بس كمان لازم تعمل اللى عليك

ربنا يستر ياخال

وقتها شفت مشرط طالع بيزعج بصوت عالى عملتها يا بكار عملتها
انا استغربت جدا

هه فى ايه انا عملت ايه
دكتور سعيد هو ايه اللى حصل
يا بكار ورقة الامتحان ضاعت ودى مصيبه كبيرة على دكتور مشرط
وكده ايه هيحصل فى الامتحان هنمتحن
صراحه معرفش مش عارف هيلحقو يجيبو حد يحط الامتحان ولا لا
الحج يا بكار رشيده بتاكل ايه (حسونه)
رشيده تعالى هنا ايه اللى فى بقك ده

ياخبر دى ورقة الامتحان دى رشيده كلتها كلها
يا خسارة يا بكار ياريتنا كنا لحقنا منها حاجه
كنا هنعمل ايه يعنى يا حسونه
كنا نزلناها على المنتدى ها هاى ها هاى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مصطفى الدور
مشرف
مشرف


عدد الرسائل : 300
العمر : 29
رقم الدفعة : 2011
أذكار : سبحان الله وبحمده سبحان الله العظيم
تاريخ التسجيل : 20/06/2007

مُساهمةموضوع: رد: بكار فى طب عين شمس   7/31/2007, 6:52 pm

ههههههههههههههههههههههههههه

ابداع بجد يا دكتور
بجد الحاجه ام الاختراع
ربنا يوفقكم

_________________
اللهم انت ربى لا اله الا انت خلقتنى وانا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك على وابوء بذنبى فاغفر لى فانه لا يغفر الذنوب الا انت

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amany elshemy
مشرف
مشرف


عدد الرسائل : 56
العمر : 32
تاريخ التسجيل : 01/05/2007

مُساهمةموضوع: رد: بكار فى طب عين شمس   7/31/2007, 8:04 pm

butterfly
استمر يا اخ حلواني الموضوع جميل وجذاب
يلا عايزين اكتر ومنتظرين الابداع
D: D: D:
للللللللل للللللللل للللللللل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/1/2007, 6:42 pm

هوى اصحابى المرة دى هقولكم اللى حصل لى امبارح وكمان
هيبقى فيه اخبار جديده تهمكم
لما كنت فى الكليه بدور على اخبار الامتحان
قابلت زينه طبعا عارفينها كان باين عليها بتعيط
زينه مالك زعلانه ليه
اص..اص..اصل يابكار النهارده كان عندى امتحان نسا
وايه اللى حصل
ال..ال..الدكتور قالى قبل الامتحان مخصوم منك خمس درجات
ياخبر لازم عملتى حاجه
ابد يابكار من غير حاجه
معقوله دى يا زينه مش ممكن
اصل يا بكار سال المريضه انتى عارفه اسم الدكتورة دى
قالت له لا اول مره اشوفها
بصلى وقال ازاى يادكتورة متعرفيش نفسك للعيانه قبل ما تبداى الكلام
يا خبر يا زينه وبعدين كملتى ازاى
ابدا انت عارفنى وعارف انى لما حد يزعقلى مبعرفش اجمع تانى

معلش يازينه مش مهم دا امتحان عادىمن ضمن امتحانات موسم اوكازيون الدرجات

متعرفيش حاجه عن الامتحان الجاى بتاع الجراحه يعنى
ايوة يا بكار عرفت انه يوم 7/8 الساعه 9 فى صالة الامتحانات
مين اللى جابلك الاخبار دى
صاحبتى امانى قالتلى النهارده قبل الامتحان
اه..... انتى عارفه انى مبحبش امتحن فى المكان ده
عارفه يا بكار بس انت عارف انك كده بتتشاءم وده حرام
بس انتى عارفه ذكرياتى هناك يا زينه
ايوة يا بكار بس متنساش انا عارفه ذكرياتك فى كل مكان هنا
انت ناسى اننا فى سته وامتحنا فى كل مكان هنا يا بكار
تقدر تقولى عاوز تمتحن فين
عندك حق يا زينه بس كمان التفاءول مش حرام
يعنى ممكن يمتحنونى فى مكان اتفاءل بيه
فين يعنى يا بكار
ممكن يمتحنونى عند المكتب اللى بيصرف المكافات
انت رايق اوى يا بكار وبتهزر كمان مش همك اللى حصلى النهارده
ولا يهمك يا زينه المهم روحى وادعى ربنا يوفقنا جميعا
ولو عرفتى حاجه لازم تقولى لى يا زينه
ماشى يا بكار وانت كمان لو عرفت تخلى رشيده تعمل اللى عملته مع دكتور مشرط تانى يمكن ياجلو الامتحان هخلى كل الدفعه تدعيلك
تانى يا زينه هههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amany elshemy
مشرف
مشرف


عدد الرسائل : 56
العمر : 32
تاريخ التسجيل : 01/05/2007

مُساهمةموضوع: رد: بكار فى طب عين شمس   8/1/2007, 7:23 pm

انت اكتر من ممتاز
وعرفت منين يا حلواني اللي حصل عندنا في النسا
استمر استمر ربنا يوفقك
للللللللل للللللللل للللللللل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ربنا يسترها علينا
صديق جديد
صديق جديد


عدد الرسائل : 43
رقم الدفعة : 2008
شعار الدفعة : كلنا هنموت ان شاء الله
أذكار : نريد ان نمضى السبيل.......
تاريخ التسجيل : 21/07/2007

مُساهمةموضوع: رد: بكار فى طب عين شمس   8/1/2007, 7:48 pm

ايه الحلاوة دى يا حلاوانى ...............
وكده اقدر اقولك ان حسونه صاحبك قابل الدكتور مطرى .......
وقاله المصيبة ان الامتحان مش جاى من اى كتاب نعرفه ......
ولا تقول كتاب قسم ولا غيره............
وكمان مش هيجى من المعلومات اللى احنا عارفنها ........
يعنى البقاء لله فى 105 درجة
ربنا يسترها علينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نيرمين
حراس الفضيلة
حراس الفضيلة


عدد الرسائل : 390
رقم الدفعة : خامسة
أذكار : لا الله الا انت سبحانك اني كنت من الظالمين
تاريخ التسجيل : 27/04/2007

مُساهمةموضوع: رد: بكار فى طب عين شمس   8/1/2007, 7:57 pm

الحمد لله

اخيرا طلع من ورا اللى بيتعمل فينا
مؤلف عبقري
gr
رب ضارة نافعة

_________________
{يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://islamnna.netfast.org/vb/
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/1/2007, 8:23 pm

يا جماعه انا كده هتغر بجد الردود الهايله دى كتير عليا
على فكرة يا امانى اللى حكيته كان حاصل فى المجوعه بتاعتنا
بس للاسف احنا عندنا 100 مشرط على الاقل يعنى
موزعين بالتساوى على النسا والجراحه
ومبيفوتوش امتحان الاولازم يدخلو يشوفو بنفسهم مستوى الطلبه
حتى لو الامتحان مش تبع المجموعه بتاعتهم وخصوصا فى النسا
وطبعا مبينسوش ياكدو على النقط اللى محدش بيفكر فيها خالص
من باب الساسبنس وامتحانات الرعب
لنا الله جميعا وربنا يسترها علينا لا مش بناديلك
انا بدعى ربنا يسترها علينا ويوفقنا كلنا ان شاء الله
ويخرجنا منها على خير بكامل عقولنا وصحتنا قولوا امين


888888888
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محبة الرحمن
Admin
Admin


عدد الرسائل : 645
رقم الدفعة : 2008
أذكار : سبحان الله وبحمده عدد خلقة ورضا نفسه وزنة عرشه ومداد كلماته
تاريخ التسجيل : 17/03/2007

مُساهمةموضوع: رد: بكار فى طب عين شمس   8/1/2007, 9:36 pm

يا جماعه دكتور مشرط ايه بس اللي بتقولوا عليه
احنا في وحدتنا كانوا حطين 3 مشارط في اوضه واحده
والحمد لله , كان من نصيبي اعدي علي الثلاته الهايلين
د.محمد راغب , هشام العقاد , خالد الفقي
الحمد لله مشرطين منهم كانوا كويسين
اما د.هشام العقاد ... ما شاء الله ابدعت معاه
ياللا الحمد لله انه عدي علي خير , وربنا يستر في امتحان الجراحه اللي جي .. هو ده الاهم

_________________
اذا اعجبتكم رسائلي فلا تشكروني.. ولكن ادعولي ان يتقبل الله عملي خالصا ابتغاء مرضاته
الي من يهمه الأمر..اضغط هنا!!
http://www.saaid.net/Minute/mm1.htm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو البراء
Admin
Admin


عدد الرسائل : 644
رقم الدفعة : 2008
أذكار : سبحان الله وبحمده سبحان الله العظيم
تاريخ التسجيل : 16/03/2007

مُساهمةموضوع: رد: بكار فى طب عين شمس   8/2/2007, 10:36 am

أنا أسف
محدش شاف إلى أنا شفته
فى أى وحده
أول ما النت ىيصلح
هكتبلكم تفصيل إلى حصل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://1aim2008.youneed.us
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/2/2007, 9:28 pm

هوى اصحابى
النهارده كنت بذاكر مع همام وحسان فى البيت اللى اجرناه السنه دى عشان نبقى جنب الكليه
طبعا فى ناس هتسال ليه مش ساكن فى المدينه الجامعيه
بس اسمحولى ناجل الموضوع ده ليوم تانى
اما النهارده حصلت حكايه لخالى سيدون اصله لسه مخلص مصالحه فى مصر
وقاعد معانا فى نفس البيت

حسونه مش هتروح تجيب الاكل والعيش ومتنساش كمان برسيم رشيدة
يوه يا بكار هو لازم يعنى انا اللى انزل متخلى همام ولا روح انت ورشيدة
لا بس ده يومك
ايه بس ياولا بتتخانقو ليه انا انزل اقضى طلباتكم خليكو انتو فى مذاكرتكم
ايوه صح ياعم سيدون
بس انت متعرفش السكه يا خالى وممكن تتوه
انا هنزل معاه يا بكار يلا خليها عليا المرة دى
خلى بالك منه يا حسونه
من عنيا يا بكار ياسلام هتوصينى على عمى سيدون يلا بينا احسن نتاخر

شايف ياعم سيدون الفرن اللى هناك ده روح انت هات العيش وانا هجيب الخضار
طب اوعى تتاخر يا حسونه انا هستناك هنا عند الفرن
اتاخر ها هاى ها هاى ال اتاخر ال دا متفائل اوى

الحمد لله همه اتنين بس فى الطابور امال بيقولو افران مصر زحمه ليه

الله انت ياعم انت ... انت دخلت على طول ليه مش المفروض تقف ورايا
انا من المنطقه ومبقفش طابور اصلا يا عمنا ...يلا يا ناصر هات العيش بتاعى
الله وانت يا ولد يا صغير انت كمان من المنطقه
لا ... انا شغال فى الدكان اللى قدامك ده .......ناصر هات العيش بتاعى بسرعه
لا حول ولا قوة الا بالله هو الناس جرى لها ايه بس ياربى محدش بيحترم الطابور ليه
ناصر يا ناصر هات ب2 جنيه عيش يلا عشان شايله الواد
الله ياست انتى دلوقتى واقفه فى صف الرجاله وكمان واقفه ورايا مش قدامى
يعنى مش دورك
يلا يا ناصر ال دورى ال
لا حول ولا قوة الا بالله ليه كده ياناس فيها ايه لو نمشى بالطابور
انت يا استاذ ياللى واقف قصادى مبتتكلمش ليه دول خدو دورك
معلش ياريس هى الافران كلها كده اهم حاجه الجيران والقرايب ومش مهم الطابور
يا ساتر يارب حتى الوسطه دخلت فى لقمة العيش
ها ياعم سيدون جبت العيش....معلش ياعم سيدون متتكسفش انا عارف اللى هيحصل عشان كده جيت بنفسى اجيب العيش ...يا ناصر هات العيش بتاعى
خد الفلوس اهه
ياسلام سبحان الله انت كمان يا حسونه مبتقفش طابور
اه اصلى نسيت اقولك انى صاحب ابن صاحب الفرن ومبقفش طابور
عشان تعرف بس انى مهم مش اى كلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/7/2007, 2:18 pm

هوى اصحابى
النهارده كان يوم مش ممكن انساة ابدا
كنت راجع انا وهمام وحسونه
بعد اللى حصل فى الكليه صراحه مش عارف اسميه امتحان احسن اقول لوغاريتمات الجراحه
حسونه قال ها يا بكار ايه رايك بس عمال تقولى ذاكر يا حسونه ادى اخرتها
على الاقل انا مش زعلان لانى مش مذاكر وكده كده مكنتش هحل حاجه
انما الدور والباقى عليك انت وهمام واحد يا عينى مقق عينيه فى المذاكرة وحل الامتحانات
والتانى مخلاش اسئله الا وحلها وادينا كلنا زى بعضينا اللى ذاكر زى اللى مذاكرش واللى حل زى اللى محلش
لا يا حسونه صحيح يمكن متوفقناش النهارده لكن على الاقل ضميرنا مرتاح لاننا عملنا اللى علينا
والانسان لازم يكافح ويصبر واكيد اكيد ربنا هيكافئنا فى يوم من الايام عشان صبرنا و اجتهادنا
صح يا بكار يمكن النهارده كان امتحان طايش انما المره الجا.........
ها هاى ها هاى ال المرة الجايه ال ابقى قابلنى
حد شاف زينه بعد الامتحان
لا ابدا ...لازم روحت من بره بره اصلها كمان كانت بتذاكر

ابو تريكه..ابوتريكه(نغمة موبايل حسونه)

دى نمرة زينه
الو مين بيتكلم
...ها.. انتى مين
وزينه فين
بتقولى ايه.... وهى فين دلوقتى

(ياترى ايه اللى حصل لزينه) azse

يتبع لما نطمن على زينه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محبة الرحمن
Admin
Admin


عدد الرسائل : 645
رقم الدفعة : 2008
أذكار : سبحان الله وبحمده عدد خلقة ورضا نفسه وزنة عرشه ومداد كلماته
تاريخ التسجيل : 17/03/2007

مُساهمةموضوع: رد: بكار فى طب عين شمس   8/7/2007, 2:44 pm

ايه يا جماعه ...انتو اكيد بتهزروا ... معقول عملتوا وحش؟؟
ده الامتحان ماخرجش عن منهج الجراحهVery Happy
والدكتور بيتحدي اي حد يجيب سؤال واحد كان تبع الرمد او ال E.N.T
ذاكروا شويه بأه , هو كل امتحان هتقولوا نفس الكلام؟؟
صحيح ... زينه حصلها ايه بعد الامتحان؟؟؟؟؟؟016

_________________
اذا اعجبتكم رسائلي فلا تشكروني.. ولكن ادعولي ان يتقبل الله عملي خالصا ابتغاء مرضاته
الي من يهمه الأمر..اضغط هنا!!
http://www.saaid.net/Minute/mm1.htm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emysaeed
صديق نشط
صديق نشط


عدد الرسائل : 52
تاريخ التسجيل : 28/03/2007

مُساهمةموضوع: رد: بكار فى طب عين شمس   8/7/2007, 7:00 pm

بس صحيح ايه اللى حصل لزينة اكيد اكيد راحت تذاكر لامتحان اخر السنة اللى مش هيخرج عن منهج الجراحة
Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نيرمين
حراس الفضيلة
حراس الفضيلة


عدد الرسائل : 390
رقم الدفعة : خامسة
أذكار : لا الله الا انت سبحانك اني كنت من الظالمين
تاريخ التسجيل : 27/04/2007

مُساهمةموضوع: رد: بكار فى طب عين شمس   8/8/2007, 9:04 am

الحمد لله ان الامتحان ماخرجش عن الجراحة

امال زينة حصلها ايه

_________________
{يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://islamnna.netfast.org/vb/
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/8/2007, 3:32 pm

هوى اصحابى
النهارده هنشوف ايه اللى حصل لزينه
امبارح جالنا تليفون انها تعبت بعد الامتحان واصحابها نقلوها لاستقبال الباطنه
رحنا ندور عليها هناك ...وهناك قابلنا دكتورة سالناها عنها واديناها مواصفات زينه
لكن هى قالت فى حالات كتير جت وكلهم شبه زميلتكم كده
عموما ممكن تكون من الحالات اللى جت تشتكى من الاجهاد يعنى اغماءات بسيطه
ودول مشيو خلاص او تكون من الحالات اللى اتحولت للعياده عشان الرعايه
انهى عياده
العياده النفسيه طبعا
مفيش غير اننا نروح نسال عليها هناك
روحنا العياده النفسيه وهناك قابلنادكتور سالناه عن البنت التى اتحولت من شويه
وهى طالبه هنا فى الكليه
قاطع كلامنا وقال اطمنو اطمنو احنا قمنا بالواجب وبالمناسبه
انتو عندكو رئيس قسم واعى جدا واضح انه واخد باله منكم ع الاخر.. الراجل كلمنا امبارح عشان نعمل حسابنا
على كل حال شايف الغرفه دى دور عليها هناك دا مخصص لزميلاتكم وبالمرة لو عاوز تسال على حد من اصحابك
الدور اللى فوق على طول
دخلنا ندور على زينه بس مش لاقينها
بكار البنت اللى هناك دى تبقى زميلتها انا شفتها معها كتير يلا نسالها
طب كلمها انت يا حسونه
هه ..اه وماله... اكلمها انا... مكلمهاش ليه ....هو انا بخاف
لو سمحتى ..انت تع...
a..هيه a...لالا...b.. طب يمكن d...هو لو فى all of above..ايه ده هو سؤال ايه اصلا ....لا لا دا باين عاوز exept
بكار انا كنت غلطان دى متعرفش زينه...... باينها مش من كليتنا اصلا
اه فعلا يا حسونه يلا بينا واضح ان زينه روحت
خرجنا وبره قابلنا زميلنا محمود
محمود انت هنا ليه بتدور على حد
بصوا بقه احنا لازم نعمل وقفه و...و نوزع منشورات ..و نتصل بالزملا من الدفعات التانيه
طب عن اذنك دلوقتى يا محمود احسن الساعة بقت 12.5 والظهر وجب سلام


ياخسارتك يا محمود دا كان داخل الكليه دى عبقرى
الله يسامح اللى كان السبب
لا باظت ولا خربت ولا جابت جاز لامؤاخذة(نغمة موبايل حسونه بعد الامتحان)
الو اهلا يازينه انتى فين .........اه......اه
ياشيخه خضيتينا عليكى طب سلام دلوقتى
ايه يا حسونه...خير

ابدا...دى كانت دوخه بسيطه بسبب الاجهاد... جت سليمه
وربنا يستر علينا كلنا و نكمل الشهور الباقيه دى على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emysaeed
صديق نشط
صديق نشط


عدد الرسائل : 52
تاريخ التسجيل : 28/03/2007

مُساهمةموضوع: رد: بكار فى طب عين شمس   8/19/2007, 9:18 pm

هو بكار مابيكتبش

الافى الامتحانات بس فين باقى الحلقات الجميلة دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/20/2007, 11:37 am

الحقيقه بكار فى اجازة وخالتك ام بكار مش سايبه ما صدقت شافته خصوصا
انها بتقول انه خاسس وعدم عن اخر مرة شافته فيها
وقررت تعمله اعادة اعمار
وخصوصا ان انتى عارفه البط البلدى المتربى على سطوح ام بكار
ولا الزغاليل البلدى ومحشيه زر بقه ... ياه اتصدقى جوعت
يا بختك ياعم بكار
عموما انا كلمت والدته تخف من عليه شويه عشان يبعت لنا يومياته
وان شاء الله يواصل الكتابه فى اقرب وقت ممكن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحلوانى
صديق نشط
صديق نشط


عدد الرسائل : 73
تاريخ التسجيل : 06/06/2007

مُساهمةموضوع: رد: بكار فى طب عين شمس   8/20/2007, 11:50 am

هوى اصحابى
انتو طبعا عارفين انى معنديش كليه لغاية اول الشهر الجاى
ودى فرصه للسفر والاطمئنان على اهلى وست الحبايب
فعلا بعد امتحان النسا وبعد ما مضينا على ورقة دكتور مؤمن رحنا على طول على المحطه عشان نلحق القطر
الدنيا كانت زحمه خالص فى المحطه واحنا هناك فى طريقنا لرصيف القطر
سرحت فى بلدى
يااااااه بجد وحشتينى هواكى وريحتك وطينك بجد بجد بجد نفسى احضنك ونفسى يا بلدى اشتكيلك
واللهى يا بلدى وحشتينى
مفقتش غير على صوت زينه
بكار هو فين رشيده
ها رشيده ....رشيداااااااااه
دى باينها تاهت لازم نلاقيها
ياعم ياعم ...مشفتش رشيده
ايه ورشيده دى تطلع ايه
معزة ياعم ...معزة صغيرة وعلى راسها طاقيه نوبى
اه شفتها مع واحده ست خارجه من المحطه
ايه ...يلا بينا نلحقها جريت ومعايا اصحابى كلهم ناحية الباب
اهيه امسك يا عسكرى حراميه سرقت المعزة
تعالى هنا انتى محرمتيش هاتى المعزة
الله سيبها دى معزتى
الحمد لله شكرا يا شويش انك رجعت المعزة من فضلك اقبض علي الست دى عشان متسرقش تانى
طبعا طبعا بس تعالى اعملها محضر بالسرقه عشان تتحبس
هه
بكار احنا هنتاخر مش كفايه اخرتنا فى الكليه هنروح امتى
طب هو مينفعش انت تمسكها من غير محضر
سماح النوبه بقه ياولاد هو انا كنت بسرق غير للشديد القوى
نعم يا ام على... الشديد القوى...هى دى اول مرة
انتى اسمك ام على
ايوة يابنى
ها هاى هاهاى ام على سرقت المعزة ها هاى
بس يا حسونه ...معلش يا حضرة الشويش احنا نسامحها المرة دى دى شكلها غلبانه خالص
وبعدين ست كبيرة
بس يا ام على ياريت متعمليش كده تانى لان السرقه حرام وكمان لان المرة الجايه ممكن تتبهدلى بجد وكمان علشان خاطر اولادك
خلاص يابنى انا خلاص تبت واخر مره اسرق فيها
ومصدقنا خدنا رشيده واتوجهنا للقطر اللى كان هيتحرك فعلا خصوصا ان القطر اللى بعده هيجى بعد 6 ساعات كامله
يارب ام على تكون صادقه فعلا عشان اكسب ثوابها
بينى وبينكم انا مكنتش مستعد ااخر سفرى دقيقه واحده
فى القطر على غير العاده كان رايق معرفش ليه
وكلنا قعدنا ونمنا كمان حتى رشيده اللى كانت نفسيتها تعبانه بعد محاوله الاختطاف اللى تعرضت لها
مصحيناش غير لما المفتش جه يشوف التذاكر معرفش بعد كام ساعة من حركة القطر
فين تذاكركم.... اتفضل كلها معايا متصحيهمش
اه.... ورينى كده
ايه ده..... انت راكب غلط القطر ده رايح اسكندريه مش الصعيد
دا احنا داخلين على بنها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
haleem20102000
صديق جديد
صديق جديد


عدد الرسائل : 20
رقم الدفعة : 2008
تاريخ التسجيل : 08/08/2007

مُساهمةموضوع: رد: بكار فى طب عين شمس   8/20/2007, 12:01 pm

انت يابني والله تنفع مؤلف قصص

والله ممتاز

ماشاء الله

ننتظر البقية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
haleem20102000
صديق جديد
صديق جديد


عدد الرسائل : 20
رقم الدفعة : 2008
تاريخ التسجيل : 08/08/2007

مُساهمةموضوع: رد: بكار فى طب عين شمس   8/20/2007, 12:02 pm

انت يابني والله تنفع مؤلف قصص

والله ممتاز

ماشاء الله

ننتظر البقية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emysaeed
صديق نشط
صديق نشط


عدد الرسائل : 52
تاريخ التسجيل : 28/03/2007

مُساهمةموضوع: رد: بكار فى طب عين شمس   8/20/2007, 12:08 pm

D: جميلة ماتتاخرش علينا تانى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو البراء
Admin
Admin


عدد الرسائل : 644
رقم الدفعة : 2008
أذكار : سبحان الله وبحمده سبحان الله العظيم
تاريخ التسجيل : 16/03/2007

مُساهمةموضوع: رد: بكار فى طب عين شمس   8/20/2007, 6:14 pm

ألحق أنزل وخد المقابل
ههههههههه
حاوه يا حلاونى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://1aim2008.youneed.us
 
بكار فى طب عين شمس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
1aim2008 :: إشراقات أدبية-
انتقل الى: