1aim2008

اجتمعنا لكى نكون أسرة واحدة
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 السفر والهجرة ولا البلد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو البراء
Admin
Admin


عدد الرسائل : 644
رقم الدفعة : 2008
أذكار : سبحان الله وبحمده سبحان الله العظيم
تاريخ التسجيل : 16/03/2007

مُساهمةموضوع: السفر والهجرة ولا البلد   5/8/2007, 5:46 am

لسلام عليكم ورحمة الله وبركاته
كنت أود أن أطرح موضوعا للنقاش و هو موضوع يحيرني أنا شخصيا و لم أستطع إلى الآن الوصول لنتيجة نهائية فيه........
هذا الموضوع هو موضوع السفر أو الهجرة خارج مصر ......
و أطرح هذا الأمر و سأتكلم كالعادة بطبيعتي و بدون تكلف
فأنا الآن شاب متخرج كآلاف الشباب المتخرج أبحث عن فرصة عمل تسمح لي بحياة كريمة لي و لأسرتي إن شاء الله , طول حياتي وأنا رافض فكرة السفر و الغربة و أقول أنها تشتيت للأسرة و ابتعاد للأولاد عن بلادهم وفي بعض الأحيان تشتت للأسرة حيث قد يبتعد الأب عن أولاده نتيجة إقامتهم في مصر و إقامته هو في الخارج للعمل و قد تكون معه الأم وقد رأيت بنفسي الكثير من المآسي بسبب هذا الأمر , ولكن إحقاقا للحق رأيت نماذج أخرى و هم من سافروا واستقروا في البلاد التي سافروا فيها دون عودة وهؤلاء إلى حد كبير مستقرين............ ولكن في السنوات الأخيرة ظهر بعد آخر للموضوع ألا وهو الوطن مصر بلدنا مصر لو كل فرد متفتح الفكر و يحمل مؤهل عالي كالطب أو الهندسة أو غيرهم سافر ,لو فكر كل مواطن شريف يسعى لإصلاح هذا البلد وتغيير الوضع السيئ فيها و هو ما أصبح ظاهرا ومتفشيا في كل أجهزة الدولة بشكل لم يعد يحتمل
( من رشاوي وكوسة ومحسوبية و فساد عيني عينك ناهيك عن الوضع السياسي المتدني الذي جعلنا نعود للوراء عشرات السنين سواء خارجيا أو داخليا والتزوير الحاصل في كل استفتاء وفي كل انتخابات لصالح مجموعة من رجال الأعمال وأصحاب المصالح الخاصة الذين أصبحوا يتعاملوا و كأن هذه البلد هي الإرث الطبيعي الذي ورثوه عن أجدادهم فهم يملكونها وحدهم ويمنون علينا نحن الخدم أو العبيد بين الحين والحين ببعض الفتات وعلينا أن نشكر الله تعالى على هذا الفتات.أضف إلى ذلك حالة الفساد الاجتماعي العامة والمشكلات المتزايدة . الخلاصة الجو العام من الآخر ما فيهوش حاجة تشجع على أي مستوى).
لو فكر هذا المواطن و غيره من الشرفاء الواعي بقضية بلده لو فكر في الهجرة من سيبقى هنا في هذا البلد للإصلاح ؟
سألت نفسي هذا السؤال وقلت لنفسي ألا يعتبر هذا التفكير فيه نوع من الأنانية والهروب من المسئولية وترك الأمانة التي نحملها نحن جميعا تجاه هذا البلد أمام الله تعالى المهم أنا و مش مهم الباقيين بعدي . تفكير جديد ولكن جلست أفكر ما هو أنا هنا حتى لو أنا فيها مش قادر أعمل أي حاجة أشعر أنها من الممكن أن تغير ولو على المدى البعيد .المهم حدثتني نفسي عن الناس الغلابة الفقراء الأميين أغلبهم اللي ما يعرفوا حاجة في الدنيا غير أنهم يجروا حتى يوفروا لقمة العيش لهم و لأبنائهم و ذويهم , هؤلاء الذين لا يعرفون معنى التغيير والإصلاح والكلام الكبير اللي أحيانا يسمعوا من جارهم المحترم اللي في الجامعة أو في التلفزيون و غالبا لا يعرفوا معنى الكلام ده , ............ ...طاب مين مسئول عن الناس ديه مين ؟
وجدت نفسي أقول مش عارف ........ربنا كبير يتولاهم هو برحمته ........و بعدين لو أنا قعدتلهم هنا هاعملهم إيه يعني هو أنا لولا مساعدة أهلي لي كنت لقيت آكل .........إذن لو أنا قعدت برده مش هاعرف أعملهم حاجة .
وبعدين لقيت نفسي بتقول لي طاب ماهم يستاهلوا اللي بيجرالهم واكتر مش هم اللي عايشين طول عمرهم جوا الحيط لحد مالحيط اشتكى منهم ,مش هم اللي طول عمرهم سلبيين ............ ...يعني من الآخر لما أنا أهتم بنفسي ومستقبلي واعيش حياة كريمة ده حقي أضحي بيه عشان ناس سلبية وعايشة في الحيط من جوة ومش بيبذلوا جهد عشان يغيروا الواقع المر الذي نحياه طاب ما هو أنا ساعتها أبقى بظلم نفسي ودي حتى ما يبقى اسمها تضحية دي يبقى اسمها عبط أيوة عبط إنك تدافع عن حقوق ناس مابتعملش أي مجهود عشان تدافع على حقوقها ده يبقى عبط أكيد ............ ........ورجعت تاني أقول لنفسي طاب ماهم برده معاهم عذرهم انت لما بتربي أسد على الخنوع وأكل الجزر والفول طاب ماهو مابيبقاش أسد في الآخر بيبقى حاجة تانية ليها منظر الأسد وقلب الفأر .......طاب وساعتها دي تبقى غلطة مين .....وساعتها أنا أساعد الأسد كيف و هو عاجبه حالة الفأر اللي هو عايشها وفرحان بيها و ما عندوش أي دافع للتغيير ............ .., طاب وصلت لأن الناس بعضهم ممكن يكون ضحية أنهم هم وأجدادهم وأجداد أجدادهم كلهم ولدوا وسط جو عام من السلبية والخنوع والضعف وحتى هذا تجده في ثقافتنا حتى في أمثالنا الشعبية فمثلا : أمشي جنب الحيط , أنا عبد المأور , الحيطان ليها ودان , ماينوب المخلص إلا تقطيع هدومه .,انت هتغير الكون يعني , ............ .الخ .من الأمثال الشعبية التي تدعوا إلى الخنوع والاستسلام والسلبية وكل واحد فينا أتولد بيها ومش هو لوحده هو وكل اللي حواليه مش بس كده وكل أباؤه وجدوده بحيث إن مفيش فرصة لأنك تحاول حتى تتكلم في التغيير .........وضع مقرف ومقزز, طاب وبعدين أنا برده مافيش في إيدي حاجة أساعد بيها الناس دي حتى لو قعدت هنا .........وبرده مايمكن لما الناس مفيش حد يدافع عنهم ولا يجري عشانهم مايمكن يفوقوا من اللي هم فيه ده لما يلاقوا نفسهم في وش المدفع من الآخر ..........طاب وبعدين برده أنا أجلس في هذا البلد وأنا مافي إيدي حيلة إلا في حدود ضيقة للغاية ولا أسافر و يمكن من هناك أعرف أساعد بأي حاجة يمكن............ ......... .
أعتقد إن دي مش مشكلتي لوحدي دي مشكلة آلاف الشباب مثلي ممن يريدن الحياة الكريمة ويشعرون بالمسئولية تجاه وطنهم.
طاب وبعدين أنا عايز رأيكم بس أرجوكم على قد ماتقدروا قولوا لي كلام منطقي و عقلاني .

منقوووووووووووووووووووووووووووووووول

لقد نقلت لكم هذا الموضوع وأريد أن نعرف أرائنا فيه
فلكل منا وجهة نظر

]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://1aim2008.youneed.us
Riham Adel
صديق جديد
صديق جديد


عدد الرسائل : 47
تاريخ التسجيل : 29/03/2007

مُساهمةموضوع: رد: السفر والهجرة ولا البلد   5/8/2007, 9:56 am

[color:52c2=violet:52c2]علي فكرة الموضوع ده فعلا بيشغل حايز كبير من تفكيرنا احنا الشباب
و فعلا جرت مناقشة بيني و بين احد الزملاء علي هذا الموضوع ... هو شايف ان زي ما والده قضي طول عمرة في بلد عربي حالها احسن مننا بكتير و فيها امكانيات ضخمة و بتدي كل انسان حقة .. و خلاص اتعود ع العيشة هناك , فهو اول ما يخلص حيستقر هناك ... يشتغل و يتجوز و يعيش هناك
..... بس زي ما قلتله ,,, لو كلنا سيبنا البلد دي مين اللي حيفضل فيها ؟؟
لو علي المستوي الاجتماعي و العاطفي ,, حنسيب أهالينا هنا و نعيش هناك لوحدنا و نبقي عاملين زي المقطوعين من شجرة و لا حنأخدهم معانا ؟؟ مين و لا مين و لا مين ؟؟ حد فكر ايه معني كلمة قسوة الغربة ؟
انك متلاقيش اهل تسأل عليهم و لا يسألوا عليك , يعدي عليك العيد و انت لوحدك ,, نفسك تلاقي ايد والدك ووالدتك تبوسها و تسمع دعواتهم تباركك.. تلاقي ولادك بيكبروا بعيد عنك و يتعاملوا معاك انك مجرد بنك متحرك .. ف الاجازات ثقيل عليهم و بتتدخل في شئونهم
بلاش المستوي العاطفي....
نتكلم عملي احسن......
لو كلنا سيبا البلد و مشينا ,, روحنا لبلد تانية احسن ..... ليه؟؟
حنسيبها لولاد اللذينه يعملوا فيها اللي هما عايزنه؟؟ يأكلوها و هي والعة؟؟
نسيبعا تولع و نجري بعيد لتطولنا النار .. طب مهو الناس الغلابة دول ابونا و امنا ووجدودنا و عمامنا و خالتنا .. و ناس طيبة كتير ادتك الكتير عشان تشوفك و انت بتخدمها و ترفع من شأنها مش تهرب و تعمر في بلاد تانية و تبقي زي القرع تمد لبره...
متقولش في ايدي ايه اعمله و هو انا اللي حعمر الكون .... ايوة
و مليون ايــــــــــــــــــــــــــــــــوه cheers
لو كل واحد فينا عمل اللي عليه .... صدقونا مسير البلد حتتعدل
بس اصبروا
حاولوا
اعملوا اللي عليكم و متهربوش
يا رب اكون وصلت الفكرة و يلاقي صوتي صدي عندكم
سلااااااااااام
[/[/color]color][/b][/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_rd
مشرف
مشرف


عدد الرسائل : 140
العمر : 33
تاريخ التسجيل : 30/03/2007

مُساهمةموضوع: رد: السفر والهجرة ولا البلد   5/8/2007, 10:54 am

السلام عليكم و رحمة الله و بركانه
بصراحه ليه وجهة نظر مختلفه شويه
أنا إتولدت و عيشت بره مصر فتره طويله
نصف عمري تقريبا
و لما رجعت مصر مع أهلي فضل والدي مسافر
و رجع إستقر بعدها بكام سنه
المهم أنا بقول كده عشان أوضح إن وجهة نظري ده عن تجربه
عيشتها أنا شخصيا
نتكلم بقى في المهم
الأجازه اللي فاتت سافرت البلد ده تاني عند قرايبي اللي عايشين هناك
و بالمناسبه البلد ده عربيه من دول الخليج
و كانت المفاجأه...
كل حاجه إتغيرت هناك
يعني مثلا على المستوى المادي
اللي يهمنا كلنا
المرتبات قلت و الوظائف الحكوميه بقت لأهل البلد بس
ده غير اللي بيطلبوه من شاهادات و سنوات خبره صعب جدا
لأن طبعا العرض كبييييييييير جدا
و تفضيل الأجانب من أمريكا أو الدول الأروبيه و بأضعاف مرتبات العماله العربيه
و أسعار الإيجار اللي بقت في السما(بتوصل ل20 ألف في السنه على شقه أوضه و صاله)
و تحديد مدة الإقامه ل 3 سنوات فقط و تجدد مره واحده فقط
يعني آخرك في البلد 6 سنوات و ده قانون جديد مبقالوش 4 شهور
و الداهيه الأكبر
ما عدش فيه مدارس حكوميه لغير أهل البلد
و المدارس الخاصه مصاريفها غاليه جدا
و الله بيدفعوا لأولادهم اللي لسه في إبتدائي قد اللي ممكن يدفعوهلهم لو كانوا في الجامعه الأمريكيه أو الألمانيه مثلا
فنستنتج من كده إيه؟ على المستوى الإحتماعي
اللي بيفكر يسافر يبقى بيفكر يسافر لوحده
و يعيش هناك لوحده بطوله
من غير عيله و لا أولاد
عشان ساعتها ح يبقى اللي جاي على قد اللي رايح
اللي ح يجيبه من شغله ح يصرفه عليهم في البلد و مش ح يحوش منه مليم واحد
ده غير إن المجتمع هناك ما عدش منغلق و مؤدب خالص
بالعكس ده بقى منفتح جدا و يمكن أكتر من مصر كمان
إيه وجهة نظري بقى؟
الفرص في الدول العربيه تكاد تكون معدومه
و الكويس منها فعلا نادر جدا
فالأفضل
إن الواحد يفكر في دوله أجنبيه
لأنها مش بس احسن على المستوى المادي
لأ و على المستوى العلمي كمان و اللي يهمنا بردو كدكاتره
و لو إختلفنا على المستوى الإجتماعي ف أنا شايفه إنه ما عدتش فارقه
كده كده اللي عايشين في مصر في دوامه و ما حدش بيسأل على حد غير كل فين و فين
و مش لازم الواحد يستقر هناك باقي عمره
لأن أكيد مسيره يرجع لبلده
و ساعتها ح يقدر يعملها أكتر بكتير
و في الأول و الآخر ده رزق و ربنا قاسمه و موزعه على عبيده
1212
16

_________________
ذهبت أناجي طبيب الورى و روحي تناجي طبيب السماء
ذاك ليعطي الـــــــــــدواء و ذاك ليجعل فيه الـــــــشفاء


ــــــــــــــــــــــــــــــــــــ* كن....خير الناس*ــــــــــــــــــــــــــــــ
قال رسول الله (صلى الله عليه و سلم):
"أحب الناس إلى الله أنفعهم و أحب الأعمال إلى الله سرور تدخله على مسلم"
"و لإن أمشي مع أخي المسلم في حاجه أحب إلي من أن أعتكف في المسجد شهراً"
________________________________________________
Dr_RD=Doctor Riham el Desouki
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
coronary
مشرف
مشرف


عدد الرسائل : 31
العمر : 32
تاريخ التسجيل : 17/03/2007

مُساهمةموضوع: رد: السفر والهجرة ولا البلد   5/8/2007, 2:08 pm

السلام عليكم يا شباب

أكيد التفكير ده جه على بال كل الولاد اللى أنا بقى مستغربله ان البنات هما اللى ردوا على الموضوع
المهم فى المناقشات العديدة مع أصحابى اللى بس بتتفتح لما يبقى المزاج مش رايق وقرفانين من البلد نقعد نقول لألألألألألألألأ أنا مش قاعد فى البلد ال ..... دى انما طول ما الحياة ماشية بيييس خلاص الموضوع مش بيتفتح وجدت ايه بقى ؟!!! المسألة مش مسألة ظروف البلد اللى وحشة ولا اى حاجة من الحاجات دى لأ المسألة مسألة استسهال الشباب خلاص مبقاش عندو وقت يتعب أو يشقى 10-15 سنة كده مع ان ربنا خلقنا أقوياء فى مرحلة الشباب عشان نشقى ونتعب ونحقق ذاتنا الناس فاكرين أن أهاليهم كانوا متجوزين فى نفس المستوى اللى هم عايشين فيه. أنا مش عاوز ادخل المواضيع فى بعض بس برضه الأهالى بيستهبلوا فى طلبات الجواز أصل مش معقول كل اللى بيسافرواللدول العربية دول كدكاترة يعنى عشان يتعلموا هنهرج تعليم ايه اللى فى الدول العربية ولا عشان الأحوال السياسية احنا معانا أصلا بطاقة انتخابية الموضوع اقتصادى بحت عموما الشاب مادام الموضوع مش جواز مرتبه يكفيه وزيادة ويقضيها خروج وأكل ولعب كووورة فى نادى الطلايع وركوب خيل فى النزلة وأشياء أخرى انما أول مايوصل لجواز لأ ستوب يامعلم الدنيا تسود وكل حاجة تخرب أصل الشاب مش مطلوب منه يكمل من عند ما أبو البت وقف معلش تنزل مع جوزها شوية فى المستوى
عموما بقى بعد الأىىىى كلام ده رأيى انى أسافر مع أول فرصة أشتغلى 5-6 سنين وأرجع وش على مصر أصلا الناس اللى بتسافر وتقعد كتير بره شكلها بيتغير مش مسألة بينضفوا لأ بتلأقى ف وشهم كده احساس الشجرة اللى مالهاش جذور
ياعزيزى هناك أشياء لا تشترى بالمال وسلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محبة الرحمن
Admin
Admin


عدد الرسائل : 645
رقم الدفعة : 2008
أذكار : سبحان الله وبحمده عدد خلقة ورضا نفسه وزنة عرشه ومداد كلماته
تاريخ التسجيل : 17/03/2007

مُساهمةموضوع: رد: السفر والهجرة ولا البلد   5/8/2007, 8:32 pm

السلام عليكم ورحمة الله وبركاته

مع احترامي لكل وجهات النظر
انا شايفه ان الكل بيتكلم من زاوية واحده بس وهي ... مصلحتي انا بس فين
يعني هكون هنا مستريح ماديا و معنويا ولاا لما اسافر بره هقدر احقق احلامي الشخصية اللي مش هقدر احققها في بلدي؟؟
لازم كل واحد فينا يسأل نفسه سؤال مهم...
انا عايز ايه بالظبط من ورا دراستي في الكليه؟؟؟
عايز ابقي دكتور شاطر ومشهور و مركزي الاجتماعي كويس عشان اعيش مستريح انا واولادي وبس ... وده هدفي الوحيد...
ولا عايز بردو اكون دكتور شاطر لكن عشان ارفع من شأن امتي , و لما اقابل ربي اقوله انا صلحت من نفسي وخدمت بلدي عشان خاطر امتي مش عشان نفسي وبس
اعتقد ان ده مربط الفرس...
وبناءا عليه هيتحدد وجهه نظر كل واحد فينا من موضوع السفر او الهجرة بره البلد

_________________
اذا اعجبتكم رسائلي فلا تشكروني.. ولكن ادعولي ان يتقبل الله عملي خالصا ابتغاء مرضاته
الي من يهمه الأمر..اضغط هنا!!
http://www.saaid.net/Minute/mm1.htm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نيرمين
حراس الفضيلة
حراس الفضيلة


عدد الرسائل : 390
رقم الدفعة : خامسة
أذكار : لا الله الا انت سبحانك اني كنت من الظالمين
تاريخ التسجيل : 27/04/2007

مُساهمةموضوع: رد: السفر والهجرة ولا البلد   5/10/2007, 9:08 pm

بداية

مش عارفة أقول ايه
انا كل ما أقرأ رد حد أتعاطف معاه
سواء بالرفض أو بالقبول
الحمد لله عرفنا نقول مبرر للسفر
أو الاسم التاني اللى محدش يحب يقوله
الهروب من البلد
على فكرة هو هروب من ايه بالظبطQuestion
احنا في واقع بيقول
الوساطة و المحسوبية و الفهلوة و الضحك على الدقون و كل ما الواحد عرف يرسم البسمة و القهقة على وشوش البشوات يبقى فووووووووق و ... أكمل و لا كفاية
أظن انكوا عارفين الباقي
و علشان كده نتعلم و نهرب , ناكل و نهرب , نلبس و نهرب ، نتربى و نهرب
طب مين اللى هايعدل الهرم ... هانسبه مقلوب

مش عارفة اذا كان كلامي مفهوم و لا لأ
لكن.....
مش هاتكلم بالألغاز بعد كده
رأي لو فيه فرصة حلوه للسفر و التعلم في بلاد بره
انجلترا أمريكا كندا .....الخ
يبقى مانفوتهاش
بس بشرط
ماتنساش بلدك
يعني انت اتعلم و اتقدم و اعمل فلوس و كل ده
و بعدين تعمل حاجة للبلد دي كويسه
زي مثلا تنزل كل شهر مرة كشف و أعالج بالمجان

أذكر نفسي و اياكم
بسم الله الرحمن الرحيم
"ان الله هو الرزاق ذو القوة المتين"

و قال الحسن البصري:
و علمت ان رزقي لن يأخذه غيري فاشتغلت به

_________________
{يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://islamnna.netfast.org/vb/
كنزى
صديق نشط
صديق نشط


عدد الرسائل : 50
تاريخ التسجيل : 26/04/2007

مُساهمةموضوع: رد: السفر والهجرة ولا البلد   5/18/2007, 10:29 am

If your intentions are about serving a cause; such as

better education, promoting islam, helping your

egyptian brothers, helping your family, etc.(al neyah)

Besides; you won't be hurting anybody who depends on

you eg, a sick family member or an elder.


Definetly you have to go ahead and leave.

otherwise, not a good idea...

Good luck!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عرفه
صديق جديد
صديق جديد


عدد الرسائل : 11
تاريخ التسجيل : 19/05/2007

مُساهمةموضوع: رد: السفر والهجرة ولا البلد   5/28/2007, 12:41 am

المفروض كل واحد يقعد مع نفسه ويسالها
انا دخلت طب ليه اساسا ويقارن افكار النهارده بافكار ست سنين فاتو
ولو اتغير يراجع نفسه لان اكيد من ست سنين كان اكثر نقاء واشد حماسا
يعنى بالعربى نفض نفسك من صدا ست سنين
عن نفسىلو فيه فرصة تعليم وثقل فى الخارج لن اتوانى
غير ذلك انا مستعد للعمل فى اى مكان فى مصر
ومصر على التمسك بمبادئ حددتها لنفسى حتى لو اضطريت اضحى بحاجات تانيه كتير
اه هذا الكلام ملهوش دعوة بالدكتور بيزنس ومستعدين نتوسط لهم بكام فيزا لو حبين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
msmmam
صديق جديد
صديق جديد


عدد الرسائل : 29
تاريخ التسجيل : 08/05/2007

مُساهمةموضوع: رد: السفر والهجرة ولا البلد   7/17/2007, 1:25 am

معظم الي بيسافروا اساسا
بيسافرو بعقدة الخواجة
والحجج مختلفة
البلد بايزة ((قال يعني لو سافر ,, هيسجدوله هناك ,, دا هياخد على افاه وخصوصا لو مسلم , يا سلام بقى لو ملامحه شرقي عربي )

والي يقلك هتعلم برا

هكمل بعدين

اشطة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alferdaus
صديق نشط
صديق نشط


عدد الرسائل : 55
العمر : 32
رقم الدفعة : 2008
شعار الدفعة : صامدوووون
تاريخ التسجيل : 22/06/2007

مُساهمةموضوع: رد: السفر والهجرة ولا البلد   8/14/2007, 9:20 am

السلام عليكم و رحمة الله و بركاته

انا راى زى dr_dr و نيرمين فرصة السفر الى بلد عربى تكاد تكون منعدمة و دى انا شفتها بنفسي كمية الشروط اللى بقو يحطوها للشغل هاك و فى الاخر المرتب 3 او 4 آلاف و دول بقى هيكفوا السفر رايح جاى و تعليم اولاد و لا هيقرر السفر لوحده و يسيب وراه زوجه ( معلقة ) و اولاد ( شبه أيتام ) و يبقى فعلا عبارة عن بنك متحرك !!!

و اللى بفضله فعلا السفر لبلد أجنبى لكن حتى دى العلماء اتكلموا فيها كتير جدا و وضعولها شروط و فى منهم اللى قال لا يجوز السفر لبلاد الكفار و الاستقرار أعوام فقط للحاجة المادية ... يا جماعه متنسوش انه مهما حصل فى مصر من تفلت _ فى بعض الطبقات _ للدين ... فالبلاد دى هى أصل الكفر و يا ما قصص هناك اهالى بيسافروا و يتزوجوا من هناك و ينجبوا اولاد عمرهم ما عاشوا وسط مسلمين .. يعنى اللى يسافى هناك لازم يكون عنده من العلم الشرعى و التقوى اللى تاهله للعيش وسط الكفار و يكون رايح هناك رقم واحد امامه هو الدعوه و الدعوة ثم الدعوة .. اما من لا يجد فى نفسه هذا فليظفر بدينه و لو عاش عيشة الفقراء ..

أسال الله ان يستخدمنا لنصرة دينه ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السفر والهجرة ولا البلد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
1aim2008 :: لتبادل الخبرات-
انتقل الى: